Helo, Fera ydw i, rwy'n 17 oed, ac yn astudio Bioleg, Cemeg a Drama ar Lefel A ynghyd â EPQ (Cymhwyster Prosiect Estynedig – cwrs Lefel 3 estynedig y gellir ei gymryd ochr yn ochr â Lefelau A). Rwy'n caru popeth sy'n ymwneud â'r celfyddydau, ac yn gerddor – rwy'n canu i Gôr Ieuenctid CBSO, ac yn gweithio tuag at fy Ngradd 7 mewn Canu! Rwyf hefyd yn ceisio (ond yn methu) dysgu gitâr i mi fy hun.

Rwy'n caru gwyddoniaeth ac yn anelu at fod yn academydd clinigol yn y dyfodol. Rwy'n angerddol iawn am y genhedlaeth nesaf a'r holl bethau y byddwn ni'n gallu eu gwneud i wneud y byd rydyn ni'n byw ynddo yn well. Fel rhywun o gefndir lleiafrifol, mae cynrychiolaeth yn bwysig iawn. Ar hyn o bryd, rwy'n gweithio gyda Phrifysgol Birmingham ar eu hastudiaeth CELEBRATE, sy'n edrych ar gyfranogiad pobl ifanc mewn ymchwil iechyd meddwl, ac mae hynny wedi rhoi cymaint o fewnwelediad i mi i ba mor bwysig yw ein lleisiau fel pobl ifanc. Rwyf hefyd yn Arweinydd Ymchwil yng Ngrŵp Ymgynghorol Pobl Ifanc Menywod a Phlant Birmingham.