Mae'r cwrs sylfaenol hwn yn amlinellu'r wybodaeth a'r sgiliau sydd eu hangen i gefnogi pobl ifanc nad ydynt mewn Cyflogaeth, Addysg na Hyfforddiant (NEET) neu sydd wedi'u gwahardd o'r ysgol. Dylai dysgwyr gael mynediad at amgylchedd gwaith go iawn i gael y gorau o'r cwrs hwn.
Ynglŷn â'r cwrs
Mae'r cwrs hwn yn addas ar gyfer y rhai sy'n gweithio ar draws y sector ieuenctid a gweithwyr ieuenctid sydd am ddysgu mwy am weithio gyda phobl ifanc nad ydynt mewn cyflogaeth, addysg na hyfforddiant. Mae'r cwrs hwn yn canolbwyntio ar sut y gall gwaith ieuenctid gefnogi pobl ifanc nad ydynt mewn cyflogaeth, addysg na hyfforddiant (NEET) a'r rhai sydd fwyaf mewn perygl o beidio â phontio'n llwyddiannus i gyflogaeth, addysg a hyfforddiant, yn fwy penodol pobl ifanc sydd wedi'u gwahardd o'r ysgol.
Mae'r cwrs rhagarweiniol wedi'i ddatblygu i roi rhywfaint o gyd-destun hanesyddol i'r dysgwr, gan gynnwys cysylltiadau â pholisïau allweddol, esboniad o dermau allweddol a chysyniadau damcaniaethol a ffilm ddogfen sy'n edrych ar y pwnc yn fanwl o safbwynt person ifanc. Bydd hyn yn rhoi'r hanfodion sydd eu hangen ar y dysgwr i archwilio'r pwnc yn fanylach.
Byddwch yn archwilio:
- Sut gall gwaith ieuenctid gefnogi pobl ifanc i gydnabod manteision addysg, cyflogaeth neu hyfforddiant a'u helpu i gyflawni eu nodau.
- Cael cipolwg ar rwystrau sy'n effeithio ar bobl ifanc, gan gynnwys y rhai sydd wedi'u gwahardd o'r ysgol, heriau mynediad at gyflogaeth a hyfforddiant, a'r effaith ar eu lles.
- Darganfyddwch y gwasanaethau cymorth cymunedol sydd ar gael a dysgwch sut i gynorthwyo pobl ifanc i gael mynediad at wybodaeth, canllawiau a'u hawliau.
Cost
Am ddim
Lefel
Sylfaenol
