Daeth Emily Long, 18 oed, i gysylltiad â gweithiwr ieuenctid am y tro cyntaf drwy brosiect bocsio o'r enw In Your Corner a redir gan Goole Youth Action yn 2023, gyda chyllid gan y llywodraeth a chefnogaeth Clwb Bocsio Amatur Goole.
“Nod y prosiect yw darparu lle diogel i bobl ifanc a allai fod yn treulio amser ar y strydoedd ac mewn perygl o fynd i drafferthion. Mae’n rhoi cyfle iddyn nhw wneud rhywbeth hwyliog ac i’w helpu i ddewis llwybr mwy cadarnhaol,” eglurodd Emily.
Teimlo fel rhan o'r gymuned
Pan symudodd Emily i Goole yn 2022, symudodd i lety â chymorth. Roedd ymuno â'r prosiect bocsio yn ffordd o fynd allan a chwrdd â phobl newydd.
“Mae In Your Corner a’r gweithwyr ieuenctid yno wedi fy helpu i deimlo’n rhan o’r gymuned. Cyn hynny, doeddwn i ddim yn teimlo’n hyderus iawn, ” meddai.
Emily, 18
Agorodd y cyfle’r drysau ar gyfer gweithgareddau eraill a hwyluswyd gan y clwb ieuenctid megis her gerdded 13 milltir dros nos dan arweiniad gweithwyr ieuenctid, i godi ymwybyddiaeth o broblemau iechyd meddwl ymhlith pobl ifanc a meithrin eu gwydnwch.
Cyflawni nodau
Mae'r profiad wedi helpu Emily i oresgyn ei hofn o'r tywyllwch a sylweddoli y gall gyflawni ei nodau os yw hi'n penderfynu gwneud hynny.
“Roedd y daith gerdded gyda’r nos yn brofiad pwerus. Mae gwaith ieuenctid wedi rhoi gobaith i mi am y dyfodol. Rydw i wedi dysgu llawer o sgiliau newydd, ac mae wedi dysgu llawer mwy amdanaf fy hun nag y byddwn i wedi’i wneud pe bawn i’n treulio amser yn y parc.”
Teimlo'n bositif am y dyfodol
Mae Emily bellach yn astudio cwrs therapi harddwch yn y Coleg ac mae'n teimlo'n fwy cadarnhaol am ei dyfodol.
Esboniodd Emily: “ Os ydw i byth yn cael trafferth emosiynol, rwy'n troi at fy ngweithiwr ieuenctid. Gan fy mod i'n teimlo'n ddiogel ac yn gyfforddus gyda hi, rwy'n gallu agor fy nghalon am fy iechyd meddwl. Rydych chi hefyd yn darganfod pethau amdanoch chi'ch hun a sgiliau bywyd gwerthfawr trwy waith ieuenctid.”
“Pan oeddwn i’n tyfu i fyny, doeddwn i ddim yn teimlo fy mod i’n ffitio i mewn yn unman. Roeddwn i’n teimlo’n unig iawn. Mae cymryd rhan mewn prosiectau a gweithgareddau ieuenctid wedi fy helpu i deimlo’n hapusach ac yn fwy hyderus ynglŷn â byw’n annibynnol yn y dyfodol.”
