Celfyddydau, diwylliant a threftadaeth

💡 Chwilio am syniadau ar gyfer eich cynlluniau sesiwn? 

Mae’r enghreifftiau hyn o arfer gwirioneddol wedi’u darparu i ysgogi syniadau wrth gynllunio gweithgareddau sy’n gysylltiedig â thema cwricwlwm y celfyddydau, diwylliant a threftadaeth – gallwch eu defnyddio a’u haddasu i gyd-fynd â’r bobl ifanc rydych chi’n gweithio gyda nhw. 

Enghreifftiau: 

Fy Mhrosiect Hunaniaeth:
Archwilio gwerthoedd, credoau a meddyliau pobl ifanc am eu diwylliant a'u cymuned eu hunain, gan gynnwys y materion maen nhw'n eu hwynebu. Gall pobl ifanc leisio eu barn a dylanwadu ar newid gan ddefnyddio gweithgareddau creadigol fel celf, drama, cerddoriaeth a ffotograffiaeth. 

---

Pa ganeuon oeddech chi'n gwrando arnyn nhw yn 20XX?
Fel person ifanc, roeddwn i'n gwrando ar…….. – trafod y gerddoriaeth roedd pobl ifanc yn ei gwrando wrth dyfu i fyny, atgofion maen nhw'n eu cysylltu â cherddoriaeth a sut mae hyn yn gwneud iddyn nhw deimlo.   

---

Rhaglen Celfyddydau Ieuenctid :
Pobl ifanc yn gweithio gyda'i gilydd i ddysgu sgiliau newydd, datblygu, cynllunio, cyllidebu a chynnal digwyddiadau i'r cyhoedd a chyfoedion o wledydd eraill i arddangos cyflawniad pobl ifanc. 

---

Gwerthfawrogi amrywiaeth o brofiadau diwylliannol:
Gweithio gyda phobl ifanc a darparwyr cyfleoedd diwylliannol i alluogi pobl ifanc i brofi celfyddydau newydd a thraddodiadol mewn lleoliadau nad ydyn nhw fel arfer yn gallu cael mynediad atynt. Yna gweithio gyda phobl ifanc i ddatblygu eu rhaglenni celfyddydol eu hunain sy'n galluogi arbrofi, creadigrwydd ac adrodd straeon.    

---

Archwiliwch Dreftadaeth Leol :
Ewch â phobl ifanc ar deithiau i amgueddfeydd, orielau a safleoedd treftadaeth lleol, lle gallant ddysgu am hanes ac arwyddocâd diwylliannol eu hardal. 

---

Gweithdai Celfyddydau :
Gweithio gydag artistiaid lleol i gyflwyno gweithdai sy'n caniatáu i bobl ifanc archwilio gwahanol ffurfiau o fynegiant creadigol fel peintio, ffotograffiaeth, neu theatr. Gellir defnyddio'r gweithgareddau hyn i archwilio themâu hunaniaeth, diwylliant a threftadaeth, gan eu helpu i greu rhywbeth sy'n adlewyrchu eu profiadau a'u gwerthoedd personol.   

---

Adrodd Straeon a Llên Gwerin :
Anogwch bobl ifanc i rannu straeon o’u diwylliant neu draddodiadau teuluol. Gallai hyn fod drwy ysgrifennu, geiriau llafar, neu recordio fideo. Tynnwch sylw at bwysigrwydd cadw llên gwerin a thraddodiadau wrth ddysgu gan rai cymunedau eraill. 

Archwiliwch Gerddoriaeth a Dawns :
Trefnwch sesiynau cerddoriaeth neu ddawns lle gall pobl ifanc ddysgu a pherfformio caneuon traddodiadol, cerddoriaeth fodern, neu ddawns o wahanol ddiwylliannau. Gall hyn helpu pobl ifanc i gysylltu â'u treftadaeth, archwilio diwylliannau newydd, a dysgu oddi wrth ei gilydd mewn ffordd hwyliog a diddorol. 

---

Creu Platfform Celf Ddigidol :
Sefydlwch blatfform ar-lein neu dudalen cyfryngau cymdeithasol lle gall pobl ifanc rannu eu creadigaethau artistig, fel caneuon, fideos, neu gelf ddigidol. Mae hyn yn rhoi lle iddyn nhw fynegi eu hunain a chysylltu ag eraill, yn enwedig y rhai o gefndiroedd neu ardaloedd gwahanol, ac yn helpu i oresgyn rhwystrau mynediad i fannau ffisegol. 

---

Prosiectau Cymunedol Cydweithredol :
Cynnwys pobl ifanc mewn prosiectau sy'n hyrwyddo diwylliant lleol, fel creu murlun, perfformio mewn digwyddiadau cymunedol, neu drefnu gwyliau diwylliannol. Mae hyn nid yn unig yn cysylltu pobl ifanc â'u treftadaeth eu hunain ond hefyd yn hyrwyddo dealltwriaeth a pharch at ddiwylliannau pobl eraill a'r gymuned y maent yn byw ynddi.  

---

Streetleague – dod â chymunedau ynghyd:
Gweithio gyda phobl ifanc ar draws cymunedau a lleoliadau, ymgysylltu a datblygu perthnasoedd drwy chwaraeon. Dod â phobl ifanc ynghyd o bob cefndir gwahanol i ddathlu eu diddordeb mewn chwaraeon tebyg mewn maes cystadleuol a chreu cyfleoedd i bobl ifanc ennill bathodynnau hyfforddi a dyfarnu.   

---

Mae Adrodd Straeon Cerddorol yn meithrin hyder, dychymyg a meddwl creadigol. 

• Chwaraewch wahanol fathau o gerddoriaeth (e.e., bywiog, dramatig, araf). 

• Mae pobl ifanc yn ysgrifennu stori fer neu gerdd wedi'i hysbrydoli gan y gerddoriaeth. 

• Ychwanegwch her: Perfformiwch hi ar ffurf geiriau llafar neu rap! 

• Anogwch bobl ifanc i fynegi’r geiriau a rhoi cynnig ar leisiau gwahanol wrth berfformio.