Yr amgylchedd 

💡 Chwilio am syniadau ar gyfer eich cynlluniau sesiwn?

Mae’r enghreifftiau hyn o arfer gwirioneddol wedi’u darparu i ysgogi syniadau wrth gynllunio gweithgareddau sy’n gysylltiedig â thema’r cwricwlwm amgylchedd – gallwch eu defnyddio a’u haddasu i gyd-fynd â’r bobl ifanc rydych chi’n gweithio gyda nhw. 

Enghreifftiau: 

💚 Eco – Gwirfoddoli:

Gweithio gyda phobl ifanc i ddatblygu cyfranogiad mewn cyfleoedd gwirfoddoli sy'n mynd i'r afael â materion byd-eang sydd o ddiddordeb iddyn nhw, gallai hyn fod yn barc anifeiliaid, asiantaeth amgylcheddol neu ymhellach i ffwrdd mewn gwlad arall.  

---

💙 Chwilio am fwyd ar y tir a'r môr: 

Annog pobl ifanc i gymryd rhan yn yr awyr agored, dysgu am ecoleg leol, a meddwl am ddewisiadau bwyd a chynaliadwyedd. Gweithio mewn partneriaeth â sefydliadau arbenigol i nodi a chasglu gwahanol fathau o blanhigion, dysgu amdanynt a'u manteision, coginio ar dân, a samplu. 

---

🪴 Ymgynghoriad adeiladu 'Clwb Ieuenctid' newydd:

Gweithio gyda phobl ifanc i greu gweledigaeth ar gyfer cyfleuster ieuenctid newydd, gweithio gyda phenseiri i fynegi eu syniadau, y mannau a ffyrdd o leihau eu hôl troed carbon.  

---

🎶 Academi Dawns:

Pobl ifanc yn creu, ymarfer a pherfformio dawns a oedd yn tynnu sylw at broblemau llygredd plastig yn y cefnfor. Datblygu sgiliau ailgylchu trwy ddylunio setiau, rheoli llwyfannau, cerddoriaeth, cynlluniau eistedd a dylunio goleuadau.